ساعد الله حيلك ابذاك الزمن
من شفت غدر السقيفة الظالمة
*****
جينة نصرخ يا علي ياخو الرسول
شـلـون غـصـبو حكك وحك البتول
ونـتـه سـاكـت ابد ما تحجي وتكول
آنـه ابـو الـسـبـطـين حماي الحمة
*****
جـيـنـة لـيـك انـواســي يا خير العمل
عالجرة من اهل الحقد واهل الجمل
ابـغـيـبـة الـمـخـتـار رد ذاك الـجـهل
ونـكـرو الـسنة الصحيحة المسلمة
*****
جينة ممشه شيوخ واطفال وشباب
اويـانـه نـسـوه عـالوجه تنثر تراب
كـلـهـا تـصـرخ عـظـم الله المصاب
ابـهـاي فـاجـعـة الـرسـول المؤلمة
*****
جـيـنـة مـمـشـه يـا امـيـر المؤمنين
نـبـجـي عـالـمـخـتار سيد المرسلين
نلطم اعله الراس مو بس عالجبين
ونـحـبـت اويـانـه مـلائـكة الـسـمـه
*****
جينه ممشه نشكي عد حامي الدخيل
واحـنـه اهـل الـدين واصحاب الدليل
صـار مـوقـفـنـه صـمـت والحك ذليل
كـلـي شـنـهـي الـراي يابو الموزمة
*****
جـيـنـه لـيـك انواسي يا فارس مضر
ابـهـذا يـوم الـمـصـطـفـه خير البشر
عكب ابو القاسم رجع حرب وصخر
وطـشـرو دمـنـه بـسـيـوف واحـزمة
وطـشـرو دمـنـه بـسـيـوف واحزمة
